പെരുവ: നിയന്ത്രണം വിട്ടെത്തിയ ഗുഡ്സ് ഓട്ടോറിക്ഷ ഇടിച്ച് പരിക്കേറ്റ് ചികിത്സയിലിരുന്ന സ്കൂട്ടർ യാത്രികനായ വിദ്യാർഥി മരിച്ചു. അവർമ ആര്യപ്പിള്ളിൽ ദിലീപ്-സുമ ദമ്പതികളുടെ മകൻ ഐ.ടി.ഐ വിദ്യാർഥി ദീപക്കാണ് (20) തിങ്കളാഴ്ച ഉച്ചയോടെ കോട്ടയം മെഡിക്കൽ കോളജ് ആശുപത്രിയിൽ മരിച്ചത്. കഴിഞ്ഞ ചൊവ്വാഴ്ച രാവിലെ പത്തോടെ പെരുവ-ഇലഞ്ഞി റോഡിൽ പെരുവക്ക് സമീപം മുതിരക്കാല വളവിലായിരുന്നു അപകടം. പിതാവ് ദിലീപിനൊപ്പം വല്ലകത്തെ ബന്ധുവിന്‍റെ മരണാനന്തരചടങ്ങിൽ പങ്കെടുക്കാൻ പോകുകയായിരുന്നു. പെരുവയിൽനിന്ന് ഇലഞ്ഞി ഭാഗത്തേക്ക് പോകുകയായിരുന്നു ഓട്ടോ ദിശതെറ്റിയെത്തി സ്കൂട്ടറിൽ ഇടിച്ചു. ദിലീപിനും ഗുരുതര പരിക്കേറ്റിരുന്നു. സംസ്കാരം ചൊവ്വാഴ്ച ഒന്നിന് വീട്ടുവളപ്പിൽ. സഹോദരി: ദേവിക (വിദ്യാർഥിനി).
