അടിമാലി: ബൈക്കും ടാങ്കറും കൂട്ടിയിടിച്ച് പെയിന്റിങ് തൊഴിലാളിയായ യുവാവ് മരിച്ചു. നേര്യമംഗലം കിഴിയേരിയിൽ പി.കെ. സന്തോഷാണ് (40) മരിച്ചത്. രാജാക്കാട്ടെ ജോലി സ്ഥലത്തേക്ക് പോകവെ ചൊവ്വാഴ്ച ഉച്ചക്ക് ഒരു മണിയോടെ വെള്ളത്തൂവൽ എസ്.വളവിന് സമീപമാണ് അപകടം. അടിമാലി താലൂക്ക് ആശുപത്രിയിൽ എത്തിച്ചെങ്കിലും മരിച്ചു. ഭാര്യ: മായ. മക്കൾ: അമയ, ആദി. വെള്ളത്തൂവൽ പൊലീസ് മേൽനടപടി സ്വീകരിച്ചു.
