കോതമംഗലം: സ്വകാര്യ ബസ് സ്കൂട്ടറിൽ ഇടിച്ച് സ്കൂൾ വിദ്യാർഥി മരിച്ചു. പോത്താനിക്കാട് പെരുംനീർ പുറമറ്റത്തിൽ അനിലിന്‍റെ മകൻ അബിനാണ് (14) മരിച്ചത്. കൂടെ യാത്ര ചെയ്ത ഇല്ലിക്കൽ ജോബിയുടെ മകൻ ജോബിനെ (12) സാരമായ പരിക്കുകളോടെ കോലഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ചൊവ്വാഴ്ച രാവിലെ എട്ടോടെ പോത്താനിക്കാട് -ചാത്തമറ്റം റൂട്ടിൽ പെരുംനീറിന് സമീപമാണ് അപകടം. പോത്താനിക്കാട് സെന്‍റ് മേരീസ് ഹൈസ്കൂൾ പത്താം ക്ലാസ് വിദ്യാർഥിയാണ്. ട്യൂഷൻ സ്ഥാപനത്തിൽ മറ്റൊരു കുട്ടി എടുക്കാൻ മറന്ന ബുക്ക് എടുക്കാനായി സ്കൂട്ടറുമായി പോകുമ്പോഴാണ് അപകടം. മാതാവ്: ബീന. സഹോദരങ്ങൾ: ആൽബിൻ, അജിൻ. സംസ്കാരം ബുധനാഴ്ച രാവിലെ 11ന് പോത്താനിക്കാട് ഉമ്മണിക്കുന്ന് സെന്‍റ് മേരീസ് ഓർത്തഡോക്സ് മഹായിടവക സെമിത്തേരിയിൽ.
