തലയോലപ്പറമ്പ്: വൈക്കം കല്ലറയിൽനിന്ന് കാണാതായ വീട്ടമ്മയുടെ മൃതദേഹം വൈക്കം വടയാർ ഇളങ്കാവ് ഗവ. സ്കൂളിനുസമീപം മൂവാറ്റുപുഴയാറിൽ കണ്ടെത്തി. കല്ലറ ഗവ. ഹരിജൻ സ്കൂളിനുസമീപം ഇടത്തിൽ കുര്യാക്കോസിന്‍റെ ഭാര്യ ആൻസിയുടെ (62) മൃതദേഹമാണ് ബുധനാഴ്ച വൈകീട്ട് മൂവാറ്റുപുഴയാറിൽനിന്ന് കണ്ടെത്തിയത്. ബുധനാഴ്ച രാവിലെ മുതൽ ഇവരെ കാണാതായിരുന്നു. കല്ലറയിൽനിന്ന് കടുത്തുരുത്തിയിൽ എത്തി എറണാകുളത്തേക്ക് ബസ് കയറിപ്പോയതായി അറിഞ്ഞതിനെത്തുടർന്ന് ബന്ധുക്കൾ വിവരം പൊലീസിന് കൈമാറിയിരുന്നു. മക്കൾ: ബിബിൻ കുര്യൻ, ബിനു കുര്യൻ, ജോജി കുര്യൻ. തലയോലപ്പറമ്പ് പൊലീസ് സ്ഥലത്തെത്തി നടപടി സ്വീകരിച്ചു.
