മൂവാറ്റുപുഴ: സ്കൂട്ടർ മറിഞ്ഞ് പ്ലസ് വൺ വിദ്യാർഥി മരിച്ചു. മഞ്ഞള്ളൂർ പഞ്ചായത്ത് കദളിക്കാട് നടുവിലേടത്ത് എൻ.എൻ. സുനിലിന്‍റെയും (കെ.എസ്.ഇ.ബി, വാഴക്കുളം) ഷൈലയുടെയും മകൻ അർജുനാണ് (17) മരിച്ചത്. തൊടുപുഴ എ.പി.ജെ. അബ്ദുൽ കലാം ഗവ. എച്ച്.എസ്.എസ് പ്ലസ് വൺ വിദ്യാർഥിയാണ്. ബുധനാഴ്ച രാത്രി പത്തോടെയാണ് സംഭവം. തൊടുപുഴ ഏഴല്ലൂർ കുമാരമംഗലം റൂട്ടിൽ പെരുമ്പിള്ളിച്ചിറ ഭാഗത്ത് അർജുൻ സഞ്ചരിച്ച സ്കൂട്ടർ മറിയുകയായിരുന്നു. സഹോദരി: ആര്യ (കദളിക്കാട് വിമലമാതാ എച്ച്.എസ്.എസ് വിദ്യാർഥിനി).
