ആലപ്പുഴ: അശ്രദ്ധയോടെ പിന്നിലേക്കെടുത്ത ഗുഡ്സ് ഓട്ടോയില്‍ ബൈക്കിടിച്ച് കാഞ്ഞിരംചിറ മംഗലം മുണ്ടുചിറയിൽ എം.ടി. ലാലിന്‍റെ മകൻ ഗോപീകൃഷ്ണൻ (23) മരിച്ചു. വെള്ളിയാഴ്ച രാവിലെ ഒമ്പതിന് ആലപ്പുഴ വൈ.എം.സി.എയില്‍ ബിസ്മി മാളിന് മുന്നിലായിരുന്നു അപകടം. റോഡിന്‍റെ തെക്കുവശത്തുനിന്ന് ഓട്ടോ പിന്നിലേക്കെടുത്ത് റോഡിന്‍റെ വടക്ക് ഭാഗത്തേക്ക് പെട്ടെന്ന് തിരിക്കുന്നതിനിടെ ഗോപീകൃഷ്ണന്‍ ഓടിച്ചിരുന്ന ബൈക്ക് ഇടിക്കുകയായിരുന്നു.
പരിക്കേറ്റ യുവാവിനെ ആലപ്പുഴ ജനറല്‍ ആശുപത്രിയിലും പിന്നീട് മെഡിക്കല്‍ കോളജ് ആശുപത്രിയിലും എത്തിച്ചെങ്കിലും രക്ഷിക്കാനായില്ല. മാതാവ്: ബിന്ദു. സഹോദരന്‍: ഹരികൃഷ്ണന്‍.
