മട്ടാഞ്ചേരി: സ്വകാര്യ ബസിടിച്ച് ചികിത്സയിലിരുന്ന യുവാവ് മരിച്ചു. ഐലൻഡ് താജ് ഹോട്ടലിലെ സെക്യൂരിറ്റി ഓഫിസറായിരുന്ന തൃശൂർ ഒല്ലൂക്കര മാളിയേക്കൽ വീട്ടിൽ ലാസറിന്‍റെ മകൻ എഡ്വിനാണ്(26) മരിച്ചത്.
വ്യാഴാഴ്ച രാവിലെ മട്ടാഞ്ചേരി ഹാൾട്ട് റെയിൽവേ സ്റ്റേഷന് സമീപത്തെ ടോൾ ഗേറ്റിനടുത്താണ് അപകടം.
ഐലൻഡിൽനിന്ന് എറണാകുളം ഭാഗത്തേക്ക് പോകുകയായിരുന്ന അർഫാൻ സ്വകാര്യ ബസാണ് എതിർദിശയിൽ ബൈക്കിലെത്തിയ എഡ്വിനെ ഇടിച്ചത്. ഉടൻ ആശുപത്രിയിൽ പ്രവേശിപ്പിച്ചെങ്കിലും രാത്രിയോടെ മരിച്ചു. അവിവാഹിതനാണ്. മാതാവ്: ശോഭ.
