അമ്പലപ്പുഴ: പിന്നാലെയെത്തിയ വാഹനം തട്ടി റോഡിൽ തെറിച്ചുവീണ് തലക്ക് ഗുരുതര പരിക്കേറ്റ ബൈക്ക് യാത്രികൻ ചികിത്സയിലിരിക്കെ മരിച്ചു. അമ്പലപ്പുഴ വടക്ക് പഞ്ചായത്ത് അഞ്ചാംവാർഡ് വണ്ടാനം കട്ടക്കുഴിയിൽ കേശവൻ - കനകമ്മ ദമ്പതികളുടെ മകൻ ബാബുവാണ് (49) മരിച്ചത്. വ്യാഴാഴ്ച ഉച്ചക്ക് ഒന്നോടെ വണ്ടാനം മെഡിക്കൽ കോളജ് ജങ്ഷനിലെത്തി വീട്ടിലേക്കു മടങ്ങുമ്പോഴായിരുന്നു അപകടം. നാട്ടുകാർ ബാബുവിനെ മെഡിക്കൽ കോളജ് ആശുപത്രിയിലെത്തിച്ചു. തലക്ക് ഗുരുതര പരിക്കേറ്റതിനാൽ പിന്നീട് എറണാകുളത്തെ സ്വകാര്യ ആശുപത്രിയിലേക്ക് മാറ്റിയെങ്കിലും ശനിയാഴ്ച പുലർച്ച മരിച്ചു. ഭാര്യ: രാജി. മക്കൾ: അഞ്ജലി, അഖിൽ.
