കോട്ടയം: പ്രമുഖ ബിൽഡിങ് കോൺട്രാക്ടിങ് കമ്പനി വെള്ളാപ്പള്ളി ബ്രദേഴ്‌സിന്‍റെയും കുമരകം ബാക്ക് വാട്ടര്‍ റിപ്പിള്‍സ് റിസോര്‍ട്ട്‌സിന്‍റെയും ഉടമ മാത്യു അലക്‌സ് വെള്ളാപ്പള്ളി (ബാപ്പുജി -63) നിര്യാതനായി. ബില്‍ഡേഴ്‌സ് അസോസിയേഷന്‍ ഓഫ് ഇന്ത്യ മുന്‍ ദേശീയ പ്രസിഡന്‍റും കോട്ടയം സെന്‍റര്‍ സ്ഥാപക ചെയര്‍മാനുമായിരുന്നു. പരേതനായ അലക്‌സാണ്ടര്‍ വെള്ളാപ്പള്ളിയുടെയും മേരിക്കുട്ടിയുടെയും മകനാണ്. ഭാര്യ: വിതുര ഇടശ്ശേരില്‍ കുടുംബാംഗം ബിന്ദു മാത്യു. മക്കള്‍: പ്രിയ മാത്യു, അലക്‌സ് മാത്യു. മരുമക്കള്‍: വിശാഖ് എബ്രഹാം വാഴയില്‍, ടാനിയ അന്ന തോമസ് പൊട്ടന്‍കുളം. ഞായറാഴ്ച വൈകീട്ട് പേരൂര്‍ സെന്റ് സെബാസ്റ്റ്യന്‍സ് ക്‌നാനായ പള്ളി സെമിത്തേരിയില്‍ സംസ്കാരം നടത്തി.
