റാസൽഖൈമ: റാക് ഇന്ത്യൻ സ്കൂൾ വിദ്യാർഥിനിയും ചേതന ബാലവേദി ജോ. കൺവീനറുമായ ഹനാൻ നൂർ(17) നിര്യാതയായി. റാക് ക്രസന്റ് ഗ്യാരേജ് ഉടമയും ചേതന സ്പോര്ട്സ് കൺവീനറുമായ കോട്ടയം പൊന്കുന്നം കല്ലംപറമ്പിൽ അബ്ദുൽകരീം നൂറിന്റെയും റാക് ചേതന വനിത വേദി കൺവീനർ ബബിത നൂറിന്റെയും മകളാണ്. പനിയെ തുടർന്ന് ഒരു മാസത്തോളമായി റാക് ഉബൈദുല്ലാഹ് ആശുപത്രിയിൽ ചികിത്സയിലായിരുന്നു. ഞായറാഴ്ച രാത്രിയായിരുന്നു അന്ത്യം. നൗഫീന് നൂർ ഏക സഹോദരനാണ്. റാക് ഇന്ത്യൻ അസോസിയേഷന്റെ നേതൃത്വത്തിൽ നടപടികൾ പൂർത്തിയാക്കിയ മൃതദേഹം ചൊവ്വാഴ്ച പുലർച്ച എയർ ഇന്ത്യ എക്സ്പ്രസ് വിമാനത്തിൽ നാട്ടിലെത്തിച്ച് ചങ്ങനാശ്ശേരി പഴയ മസ്ജിദ് ഖബർസ്ഥാനിൽ വൈകുന്നേരം ഖബറടക്കും.