കൽപറ്റ: ജില്ലയിലെ രാഷ്ട്രീയ-സാമൂഹിക രംഗത്തെ നിറസാന്നിധ്യമായിരുന്ന അമ്പിലേരി നെടുങ്ങോട്ടെ മുയെരീകണ്ടി എം.കെ. നാസർ (61) നിര്യാതനായി. കൽപറ്റ മഹല്ല് കമ്മിറ്റി എക്സിക്യൂട്ടിവ് അംഗം, കൽപറ്റ കൃഷി വികസന സമിതി അംഗം, നെടുങ്ങോട് പള്ളി കമ്മിറ്റി സെക്രട്ടറി എന്നീ നിലകളിൽ പ്രവർത്തിച്ചുവരുകയായിരുന്നു. എസ്.കെ.എസ്.എസ്.എഫ് രൂപവത്കരിക്കുന്നതിലും സംഘടനയുടെ പതാക ആവിഷ്കരിക്കുന്നതിലും മുഖ്യ പങ്കുവഹിച്ചിരുന്നു. വയനാട് ജില്ല മുസ്‍ലിംലീഗ് മുൻ സെക്രട്ടറി, ഐ.എൻ.എൽ മുൻ സംസ്ഥാന ജോയന്റ് സെക്രട്ടറി, കൽപറ്റ മുനിസിപ്പൽ മുസ്‍ലിംലീഗ് മുൻ സെക്രട്ടറി-പ്രസിഡന്റ്‌, ജില്ല മുസ്‍ലിം യൂത്ത് ലീഗ് മുൻ സെക്രട്ടറി, എസ്.എസ്.എഫ് ജില്ല സെക്രട്ടറി എന്നീ സ്ഥാനങ്ങൾ വഹിച്ചിരുന്നു. എസ്.കെ.എസ്.എസ്.എഫ് ജില്ല-സംസ്ഥാന കമ്മിറ്റികളിൽ ഭാരവാഹിയായിരുന്നു. പിതാവ്: എം.കെ. മമ്മു. മാതാവ്: പാത്തു. ഭാര്യ: നൂർജഹാൻ നെല്ലോല്ലി. മക്കൾ: അജ്മൽ, അനസ്, ഹാസിഫ. മരുമക്കൾ: റാഷിദ് (ഷാർജ), റഹീഷ. സഹോദരങ്ങൾ: റുഖിയ പിണങ്ങോട്, നഫീസ കൽപറ്റ, മൂസ, എം.കെ. അഷ്റഫ്, സജീർ.
