പെരുമ്പാവൂർ: ബ്രോഡ്വേ മുതുകാട്ട് വീട്ടിൽ എം.കെ. വിശ്വനാഥൻ മാസ്റ്റർ (84) നിര്യാതനായി. ഒക്കൽ ശ്രീനാരായണ ഹൈസ്കൂൾ ഹെഡ് മാസ്റ്റർ, കടയിരുപ്പ് എൻജിനീയറിങ് കോളജ് സ്ഥാപക സെക്രട്ടറി, പെരുമ്പാവൂർ ടൗൺ എസ്.എൻ.ഡി.പി ശാഖ പ്രസിഡന്റ്, പെരുമ്പാവൂർ ഫാസ് ഭരണസമിതി അംഗം, പ്രൈവറ്റ് സ്കൂൾ ഹെഡ്മാസ്റ്റേഴ്സ് അസോസിയേഷൻ ജില്ല പ്രസിഡന്റ്, താന്നിപ്പുഴ അനിത വിദ്യാലയം പ്രിൻസിപ്പൽ, മുതുകാട്ട് ഫാമിലി ട്രസ്റ്റ് പ്രസിഡന്റ് എന്നീ നിലകളിൽ പ്രവർത്തിച്ചിട്ടുണ്ട്. കെ.പി.എസ്.എച്ച്.എ അധ്യാപക അവാർഡ്, ശ്രീബുദ്ധ എക്സലൻസ് അവാർഡ്, ഗുരുപൂർണിമ പുരസ്കാരം, ഗുരുചൈതന്യ അവാർഡ് തുടങ്ങിയ പുരസ്കാരങ്ങൾ ലഭിച്ചിട്ടുണ്ട്. ഭാര്യ: മൈത്രേയി (പെരുമ്പാവൂർ ഗേൾസ് ഹൈസ്കൂൾ റിട്ട. അധ്യാപിക). മക്കൾ: ഡോ. ഡലീഷ വിശ്വനാഥൻ (കൊച്ചിൻ യൂനിവേഴ്സിറ്റി) ഡോ. അനീഷ വിശ്വനാഥൻ (ദന്ത ഡോക്ടർ). മരുമക്കൾ: ഡോ. സുധീഷ് (പ്രിൻസിപ്പൽ, അമൃത ഇൻസ്റ്റിറ്റ്യൂട്ട് ഓഫ് അഗ്രികൾചർ, കോയമ്പത്തൂർ), ഡോ. ജയകുമാർ (ദന്ത ഡോക്ടർ). സംസ്കാരം ശനിയാഴ്ച ഉച്ചക്ക് രണ്ടിന് ഒക്കൽ എസ്.എൻ.ഡി.പി ശ്മശാനത്തിൽ.
