കൊച്ചി: നഗരമധ്യത്തിൽ വയോധികനെ മരിച്ച നിലയിൽ കണ്ടെത്തി. വിലാസം അറിയാത്ത രവി എന്ന 65 വയസ്സ് തോന്നിക്കുന്ന ആളെ എറണാകുളം നോർത്ത് റെയിൽവേ സ്റ്റേഷനു സമീപത്തെ ഫുഡ് കോർട്ടിന് മുന്നിലാണ് മരിച്ച നിലയിൽ കണ്ടെത്തിയത്. അഞ്ചരയടി ഉയരം. ഇരുനിറം. കഷണ്ടിയോടുകൂടി നര കലർന്ന മുടി, നരകലർന്ന കുറ്റിത്താടിയും മീശയും. ഇടതുകണ്ണിന്‍റെ കൃഷ്ണമണി വെളുത്ത നിറം. ചാരനിറത്തിലുള്ള പാന്‍റും നീലയിൽ വെള്ള വരകളോടു കൂടിയ ഷർട്ടുമാണ് വേഷം. എറണാകുളം നോർത്ത് പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. മൃതദേഹം എറണാകുളം ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. വിവരം ലഭിക്കുന്നവർ 0484-2390280, 9497987104, 9497980402 എന്നീ നമ്പറുകളിൽ ബന്ധപ്പെടണമെന്ന് എറണാകുളം നോർത്ത് പൊലീസ് അറിയിച്ചു.
