മരട്: ഓട്ടോയിടിച്ച് പ്രഭാതസവാരിക്കിറങ്ങിയ ആള്‍ മരിച്ചു. നെട്ടൂര്‍ ഇലഞ്ഞിമറ്റം മാത്യു ഐസക്കാണ് (മാത്തന്‍ -58) മരിച്ചത്. ശനിയാഴ്ച രാവിലെ 6.30ഓടെ കുണ്ടന്നൂര്‍-തേവര പാലത്തിന്റെ ഇറക്കത്തില്‍ കുണ്ടന്നൂര്‍ ജങ്ഷനിലായിരുന്നു അപകടം. തേവര ഭാഗത്തു നിന്നുവന്ന ഓട്ടോ റോഡ് മുറിച്ചുകടക്കുകയായിരുന്ന മാത്യുവിനെ ഇടിക്കുകയായിരുന്നു. ഉടന്‍ മരടിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മൃതദേഹം പോസ്റ്റ്‌മോര്‍ട്ടത്തിനുശേഷം ബന്ധുക്കള്‍ക്ക് വിട്ടുകൊടുത്തു. ഭാര്യ: ബെറ്റി. മക്കള്‍: നോയല്‍, റോയല്‍.
