മേപ്പാടി: ടൗണിലെ വ്യാപാരിയെ സ്വന്തം സ്ഥാപനത്തിൽ തൂങ്ങിമരിച്ച നിലയിൽ കണ്ടെത്തി. കെ.എസ് ബേക്കറി ഉടമ ഷിജുവിനെയാണ് (38) ചൊവ്വാഴ്ച രാവിലെ ഏഴരയോടെ സ്ഥാപനത്തിലെ ഫാനിൽ തൂങ്ങിമരിച്ച നിലയിൽ കണ്ടെത്തിയത്. ഷിജു പതിവുപോലെ രാവിലെ കട തുറന്നിരുന്നു. ഷട്ടർ പകുതി ഉയർത്തി അകത്തുകയറി ഫാനിൽ തൂങ്ങി മരിക്കുകയായിരുന്നുവെന്നാണ് നിഗമനം. ജോലിക്കാരൻ വന്നപ്പോഴാണ് മരിച്ചനിലയിൽ കണ്ടെത്തിയത്. ലക്ഷങ്ങളുടെ കടബാധ്യതയുള്ളതായി സൂചനയുണ്ട്. മേപ്പാടി പൊലീസ് സ്ഥലത്തെത്തി. വ്യാപാരികൾ ഹർത്താൽ ആചരിച്ചു. ഷിജുവിന് ഭാര്യയും രണ്ട് ആൺകുട്ടികളുമുണ്ട്.
