പൂച്ചാക്കൽ: ബൈക്കിടിച്ച് വയോധികൻ മരിച്ചു. തൈക്കാട്ടുശ്ശേരി പഞ്ചായത്ത് ഒമ്പതാം വാർഡ് കണ്ടൻ കാട്ടിൽ അയ്യപ്പൻ നായരാണ് (77) മരിച്ചത്. ഞായറാഴ്ച രാവിലെ ചീരാത്ത്കാടിലുള്ള ഗ്യാസ് ഏജൻസിയിലേക്ക് പോകുമ്പോൾ ചീരാത്ത് കാട് ജങ്ഷന് സമീപം വെച്ച് എതിരെ വന്ന ബൈക്ക് ഇടിക്കുകയായിരുന്നു. ഉടൻ തുറവൂർ ആശുപത്രിയിലും പിന്നീട് വണ്ടാനം മെഡിക്കൽ കോളജിലും എത്തിച്ചെങ്കിലും തിങ്കളാഴ്ച രാത്രിയോടെ മരിച്ചു. ഭാര്യ: വനജ കുമാരി. മകൾ: മീര. മരുമകൻ: സന്ദീപ്.
