വൈക്കം: ബൈക്ക് നിയന്ത്രണം വിട്ട് മതിലിലിടിച്ചുണ്ടായ അപകടത്തിൽ യുവാവ് മരിച്ചു. ഒപ്പമുണ്ടായിരുന്ന സുഹൃത്തിന് ഗുരുതര പരിക്കേറ്റു. വൈക്കം പള്ളിപ്രത്തുശേരി പൂതനേഴത്ത് പള്ളിപ്പറമ്പിൽ പരേതനായ സജിയുടെ മകൻ രാകേഷാണ് (22) മരിച്ചത്. കൂടെയുണ്ടായിരുന്ന സുഹൃത്ത് ആറാട്ടുകുളങ്ങരയിൽ താമസിക്കുന്ന മനേഷിനെ (23) കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കഴിഞ്ഞ ദിവസം രാത്രി വൈക്കം തെക്കേനടക്ക് സമീപമായിരുന്നു അപകടം. ഗുരുതരമായി പരിക്കേറ്റ ഇവരെ വൈക്കം താലൂക്ക് ആശുപത്രിയിൽ എത്തിച്ചെങ്കിലും രാകേഷ് മരിച്ചു. ചേർത്തലയിൽ ഹോട്ടൽ മാനേജ്മെന്റ് കോഴ്സിന് പഠിക്കുകയായിരുന്നു. മാതാവ്: ഉഷ. സഹോദരങ്ങൾ: രാഹുൽ, കവിത, രാഖിമോൾ.
