വടക്കഞ്ചേരി: ദേശീയപാത ചീകോടിന് സമീപം കണ്ടെയ്നർ ലോറി ഇടിച്ച് കാൽനടയാത്രികൻ മരിച്ചു. അഞ്ചുമൂർത്തി മംഗലം പയ്യക്കുണ്ട് നെല്ലിപറമ്പ് കൃഷ്ണൻ (81) ആണ് മരിച്ചത്. വ്യാഴാഴ്ച രാവിലെ എട്ടരയോടെയാണ് അപകടം.തൃശൂർ ഭാഗത്തേക്ക് പോവുകയായിരുന്ന കണ്ടെയ്നർ ലോറി റോഡരികിലൂടെ നടന്നു പോവുകയായിരുന്ന കൃഷ്ണനെ ഇടിച്ച് തെറിപ്പിക്കുകയായിരുന്നു. നിർത്താതെ പോയ ലോറിയെ നാട്ടുകാർ പിന്തുടർന്ന് പിടിച്ച് പൊലീസിൽ ഏല്പിച്ചു. ലോറി ഡ്രൈവർ എറണാകുളം സ്വദേശി റെജിനെ (52) വടക്കഞ്ചേരി പൊലീസ് കസ്റ്റഡിയിലെടുത്തു. കാർത്യായനിയാണ് മരിച്ച കൃഷ്ണന്‍റെ ഭാര്യ. മക്കൾ: മണികണ്ഠൻ, ദേവി, വാസുദേവൻ, ദേവകി. മരുമക്കൾ: കനകം, കൃഷ്ണൻകുട്ടി, രതീഷ്.
