മൂവാറ്റുപുഴ: തേനിയിൽ വാഹനം ഇടിച്ച് യുവാവ് മരിച്ചു. തൃക്കളത്തൂർ മ്യാലിൽ പുത്തൻപുരയിൽ പരേതനായ കൃഷ്ണന്‍റെ മകൻ എം.കെ. അനൂപാണ് (32) മരിച്ചത്.
വ്യാഴാഴ്ച രാത്രി 10ഓടെയാണ് സംഭവം. തേനിയിൽ കരിങ്കൽ ക്വാറി ജീവനക്കാരനായ അനൂപ് സുഹൃത്തുക്കളോടൊപ്പം ഹോട്ടലിൽ ഭക്ഷണം കഴിക്കാൻ എത്തിയതായിരുന്നു. ഇവർ ബൊലേറോ വാൻ നിർത്തി കൂട്ടുകാരെ ഇറക്കിയശേഷം ഡോർ അടക്കവെ മറ്റൊരു വാഹനം ഇടിച്ച് തെറിപ്പിക്കുകയായിരുന്നു. ഇടിച്ച വാഹനം നിർത്താതെ പോയി. സുഹൃത്തുക്കൾ ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. അവിവാഹിതനാണ്. മാതാവ്: അപ്‌സര കൃഷ്ണൻ. സഹോദരി: അനുപമ.
