ചാരുംമൂട്: കാറും ബൈക്കും കൂട്ടിയിടിച്ച് പരിക്കേറ്റ ബൈക്ക് യാത്രികനായ യുവാവ് മരിച്ചു. വേടരപ്ലാവ് മുകളയ്യത്ത് വീട്ടില്‍ വിജയകുമാറിന്റെ മകന്‍ വിജിത്ത് കുമാറാണ് (20) മരിച്ചത്. ശനിയാഴ്ച വൈകീട്ട് ജോലി കഴിഞ്ഞ് വീട്ടിലേക്ക് വരുമ്പോള്‍, കെ.പി. റോഡില്‍ നൂറനാട് എസ്.ബി.ഐക്ക് സമീപമായിരുന്നു അപകടം. തലക്ക് മുറിവേറ്റ വിജിത്തിനെ നൂറനാട്ടെ സ്വകാര്യ ആശുപത്രിയില്‍ പ്രഥമശുശ്രൂഷ നല്‍കി. തുടര്‍ന്ന് വീട്ടിലേക്ക് മടങ്ങി. സ്‌കാനിങ്ങിനായി ഞായറാഴ്ച രാവിലെ ആലപ്പുഴ മെഡിക്കല്‍ കോളജ് ആശുപത്രിയിലേക്ക് കൊണ്ടുപോകാനിരിക്കെയായിരുന്നു മരണം. നൂറനാട് പൊലീസ് കേസെടുത്തു. മാതാവ്: സിന്ധു. സഹോദരന്‍: വിപിന്‍കുമാര്‍. സംസ്‌കാരം തിങ്കളാഴ്ച രാവിലെ 11ന് വേടരപ്ലാവ് മുകളയ്യത്ത് വീട്ടുവളപ്പിൽ.
