കോട്ടയം: കോടിമത പാലത്തിനു സമീപം കൊടൂരാറ്റിൽ അജ്ഞാത മൃതദേഹം കണ്ടെത്തി. 50 വയസ്സ് തോന്നിക്കുന്ന പുരുഷന്റേതാണ് മൃതദേഹം. ചൊവ്വാഴ്ച രാവിലെ ഒമ്പതോടെയാണ് കോടിമത അറക്കൽ പാലത്തിനു സമീപം കൊടൂരാറ്റിൽ മൃതദേഹം കണ്ടെത്തിയത്. ചിങ്ങവനം പൊലീസെത്തി മൃതദേഹം മെഡിക്കൽ കോളജ് ആശുപത്രിയിലേക്ക് മാറ്റി. അടിവസ്ത്രം മാത്രമാണ് ഉണ്ടായിരുന്നത്. മൃതദേഹം കോടിമത ഭാഗത്തുനിന്ന് ഒഴുകി വന്നതായാണ് സംശയിക്കുന്നത്.
