അകത്തേത്തറ: അകത്തേത്തറയിൽ സ്കൂൾ ബസിനടിയിൽപ്പെട്ട് 15 വയസ്സുകാരന് ദാരുണാന്ത്യം. റെയിൽവേ കോളനിക്ക് സമീപം വെൽഫെയർ കോളനി സ്വദേശി വിഷ്ണുവാണ് മരിച്ചത്. വിഷ്ണു സഞ്ചരിച്ച ബൈക്കും എതിരെ വന്ന സ്കൂൾ ബസും കൂട്ടിയിടിക്കുകയായിരുന്നു. ചൊവ്വാഴ്ച വൈകീട്ട് 5.30ന് അകത്തേത്തറ എൻ.എസ്.എസ് എൻജിനീയറിങ് കോളജിന് മുന്നിലാണ് അപകടം. ഇടിയുടെ ആഘാതത്തിൽ ബൈക്കിന്‍റെ പിറകിലിരിക്കുകയായിരുന്ന വിഷ്ണു ബസിനടിയിലേക്ക് തെറിച്ചു വീണു. ബസിന്‍റെ പിൻചക്രം വിഷ്ണുവിന്റെ തലയിലൂടെ കയറിയിറങ്ങി. ഏറെ പണിപ്പെട്ടാണ് വിഷ്ണുവിനെ പുറത്തെടുത്തത്. ബൈക്ക് ഓടിച്ചിരുന്ന കൃഷ്ണകുമാറിനെ പരിക്കുകളോടെ ആശുപത്രിയിൽ പ്രവേശിപ്പിച്ചു.മരിച്ച വിഷ്ണു ഒലവക്കോട് സെന്‍റ് തോമസ് സ്കൂൾ പത്താംതരം വിദ്യാർഥിയാണ്.
