മാവേലിക്കര: സ്കൂട്ടറിന് പിന്നിൽ മറ്റൊരു വാഹനമിടിച്ച് പരിക്കേറ്റ് ചികിത്സയിലിരുന്ന വിമുക്തഭടൻ മരിച്ചു. ചെട്ടികുളങ്ങര പേള അമ്പാടിയിൽ പി.കെ അനിൽകുമാറാണ് (54) മരിച്ചത്. കഴിഞ്ഞ അഞ്ചിന് ഉച്ചക്ക് ഒന്നരയോടെ കടവൂർ മനായി ക്ഷേത്രത്തിന് വടക്കായിരുന്നു അപകടം. അനിൽകുമാറിന്‍റെ സ്കൂട്ടറിന് പിറകിൽ മറ്റൊരു വാഹനമിടിച്ചതോടെ റോഡരികിലെ വൈദ്യുതിത്തൂണിൽ തലയിടിക്കുകയായിരുന്നു. കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് മരിച്ചത്. ഭാര്യ: ഇന്ദു. മക്കൾ: അക്ഷയ്, അക്ഷര. സംസ്കാരം ശനിയാഴ്ച ഉച്ചക്ക് രണ്ടിന് വീട്ടുവളപ്പിൽ.
