മൂവാറ്റുപുഴ: ബൈക്കപകടത്തില്‍ പരിക്കേറ്റ് ചികിത്സയിലിരുന്ന വയോധികൻ മരിച്ചു. വാളകം ഞാറ്റുമാലില്‍ അബ്രഹാമാണ് (71) വ്യാഴാഴ്ച രാത്രി മരിച്ചത്. കോലഞ്ചേരി ആശുപത്രിയിലേക്ക് ബൈക്ക് ഓടിച്ചുപോകവെ ബുധനാഴ്ച രാവിലെ 6.30ന് കടമറ്റം ക്ടാച്ചിറയിലാണ് അപകടം. മൂവാറ്റുപുഴയിലേക്ക് വരുകയായിരുന്ന കെ.എസ്.ആര്‍.ടി.സി ബസിന്‍റെ പിന്‍ഭാഗം ബൈക്കില്‍ തട്ടുകയായിരുന്നു. പരിക്കേറ്റ എബ്രഹാം കോലഞ്ചേരി ആശുപത്രിയില്‍ ചികിത്സയിലായിരുന്നു. ഭാര്യ: അമ്മിണി. മക്കള്‍: പ്രമോദ്, പ്രജില. മരുമക്കള്‍: ആനി, ജേക്കബ്. സംസ്‌കാരം ശനിയാഴ്ച ഉച്ചക്ക് 12.30ന് നെല്ലാട് ഐ.പി.സി കുന്നക്കാല്‍ സഭാ സെമിത്തേരിയില്‍.
