മണ്ണാർക്കാട്: ജുബൈൽ ജബൽ സ്ട്രീറ്റിലെ സ്വകാര്യ ഇലക്ട്രിക് സ്ഥാപനത്തിലുണ്ടായ തീപ്പിടിത്തത്തിൽ മണ്ണാർക്കാട് കാരാക്കുറുശി സ്വദേശി മരിച്ചു. കാരക്കുറിശി സ്രാമ്പിക്കൽ വീട്ടിൽ അബ്ദുല്ല-സൈനബ ദമ്പതികളുടെ മകൻ നാസർ സ്രാമ്പിക്കൽ (57) ആണ് മരിച്ചത്. ബുധനാഴ്ച പകലാണ് ഗോഡൗണിൽ തീപിടിത്തമുണ്ടായത്. അഗ്നിശമനസേന തീ അണച്ചു. പൊലീസാണ് മൃതദേഹം ജുബൈൽ ജനറൽ ആശുപത്രിയിലേക്ക് മാറ്റിയത്. മുപ്പത് വർഷമായി സൗദിയിൽ പ്രവാസിയാണ് നാസർ. ഭാര്യ: ഹാലിയത്ത് ബീവി. മകൻ ബഹീജ് പത്ത് മാസം മുമ്പാണ് മരിച്ചത്. മറ്റു മക്കൾ: ബാസിം, ബസീത്ത്.
