പട്ടാമ്പി: മരുതൂർ വൈലീരി മനപ്പടി ടി.സി. ശങ്കരൻ (62) നിര്യാതനായി. ജല അതോറിറ്റി ജീവനക്കാരനും സി.പി.എം മരുതൂർ ബ്രാഞ്ച് സെക്രട്ടറിയുമാണ്. കെ.എസ്.കെ.ടി.യു ഏരിയ കമ്മിറ്റി അംഗം, പി.കെ.എസ് ഏരിയ കമ്മിറ്റി അംഗം, മരുതൂർ ഗ്രാമീണ വായനശാല സെക്രട്ടറി, എൽ.ഐ.സി ഏജന്‍റ്, ഓങ്ങല്ലൂർ ജീവനം സാന്ത്വന പരിചരണ പ്രവർത്തകൻ എന്നീ നിലകളിൽ പ്രവർത്തിച്ചു വരുകയായിരുന്നു. ഡി.വൈ.എഫ്.ഐ ബ്ലോക്ക് കമ്മിറ്റി അംഗം, സി.പി.എം ഓങ്ങല്ലൂർ ലോക്കൽ കമ്മിറ്റി അംഗം, മരുതൂർ ഗ്രാമീണ വായനശാല സെക്രട്ടറി, പട്ടാമ്പി സഹകരണ ബാങ്ക് ഡയറക്ടർ, ഒറ്റപ്പാലം മാർക്കറ്റിങ് സോസൈറ്റി ഡയറക്ടർ എന്നീ നിലകളിലും പ്രവർത്തിച്ചിട്ടുണ്ട്. ഭാര്യ: പഞ്ചാലി. മക്കൾ: കിരൺ, കിഷോർ. മരുമകൾ: ജയശ്രീ.
