പെരുമ്പാവൂര്‍: എം.സി റോഡിലെ കീഴില്ലത്ത് നിയന്ത്രണം വിട്ട കാര്‍ ഇടിച്ച് വയോധികന്‍ മരിച്ചു. കീഴില്ലം ഓണാട്ടുപറമ്പില്‍ മാത്യു ജേക്കബാണ് (കുഞ്ഞ് -78) മരിച്ചത്. കീഴില്ലം ബി.പി.സി.എല്‍ പെട്രോള് പമ്പിനുസമീപം ശനിയാഴ്ച രാവിലെയായിരുന്നു അപകടം. കോട്ടയത്ത് പോയി മടങ്ങിയ തിരൂരങ്ങാടി സ്വദേശികളായ യുവാക്കളുടേതായിരുന്നു കാര്‍. മാത്യു ജേക്കബ് കാനയിലേക്ക് തെറിച്ചുവീണു. ഉടൻ ആശുപത്രിയില്‍ എത്തിച്ചെങ്കിലും മരിച്ചു. സ്ഥിരം അപകട മേഖലയാണ് മണ്ണൂര്‍ മുതല്‍ കീഴില്ലം കനാല്‍ ജങ്ഷന്‍ വരെയുള്ള ഭാഗം. അന്നമ്മയാണ് മാത്യു ജേക്കബിന്‍റെ ഭാര്യ. മക്കള്‍: ജേക്കബ് മാത്യു, അഡ്വ. ജോര്‍ജ് മാത്യു, സ്മിത മേരി (ദുബൈ). മരുമക്കള്‍: ഷിബുമോന്‍, ജാസ്മിന്‍ ജേക്കബ്, ഡോ. സിമി ജോര്‍ജ്. സംസ്‌കാരം ഞായറാഴ്ച വൈകീട്ട് നാലിന് മണ്ണൂര്‍ സെന്‍റ് ജോര്‍ജ് ബത്‌ലഹേം യാക്കോബായ സുറിയാനി ചര്‍ച്ച് സെമിത്തേരിയില്‍.
