അമ്പലപ്പുഴ: വണ്ടാനം പെട്രോള്‍ പമ്പിന് എതിര്‍വശത്തെ ആള്‍ത്താമസമില്ലാത്ത വീടിന് പിന്നിലെ ജനലില്‍ അജ്ഞാത വയോധികനെ തൂങ്ങിമരിച്ച നിലയില്‍ കണ്ടെത്തി. ഞായറാഴ്ച രാവിലെ അയല്‍വാസികളാണ് വിവരം പുന്നപ്ര പൊലീസിനെ അറിയിച്ചത്. 65 വയസ്സ് തോന്നിക്കും. വെള്ളമുണ്ടും വെള്ള ഷര്‍ട്ടുമാണ് വേഷം. പോക്കറ്റില്‍ കണ്ണടയും ഉണ്ടായിരുന്നു. പുന്നപ്ര പൊലീസ് നടപടി സ്വീകരിച്ച് മൃതദേഹം ആലപ്പുഴ മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി.
