പാലാ: മീനച്ചിലാറ്റിൽ പാലാ കിടങ്ങൂർ കറുത്തേടത്ത് കടവിൽ പന്തളം സ്വദേശിയായ ലക്ഷ്മണന്‍റെ (55) മൃതദേഹം കണ്ടെത്തി. പാലായിൽ ലോട്ടറി വിൽപനക്കാരനായിരുന്നു. മരണകാരണം വ്യക്തമല്ല. ഞായറാഴ്ച രാവിലെ ചേർപ്പുങ്കൽ ഭാഗത്തുനിന്ന് ആറ്റിലൂടെ മൃതദേഹം ഒഴുകിപ്പോകുന്നത് നാട്ടുകാർ കണ്ടിരുന്നു. തുടർ അന്വേഷണത്തിലാണ് ചെമ്പിളാവ് കറുത്തേടത്ത് കടവിന് സമീപത്തുനിന്ന് മൃതദേഹം കണ്ടെത്തിയത്. പാലാ അഗ്നിരക്ഷാ സേന മൃതദേഹം കരക്ക് എത്തിച്ച് പാലാ ജനറൽ ആശുപത്രി മോർച്ചറിയിലേക്ക് മാറ്റി. പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടുകൊടുക്കും. പാലാ കടപ്പാട്ടൂർ, ഈരാറ്റുപേട്ട ഭാഗങ്ങളിൽനിന്ന് കാണാതായവരെ കേന്ദ്രീകരിച്ച് നടത്തിയ അന്വേഷണത്തിലാണ് ലക്ഷ്മണനെ തിരിച്ചറിഞ്ഞത്.
