മുട്ടം: ചെത്തുതൊഴിലാളി പനയിൽനിന്ന് വീണുമരിച്ചു. കോളപ്ര കാവൽമറുകിൽ സിജുമോനാണ് (44) മരിച്ചത്. തിങ്കളാഴ്ച ഉച്ചക്ക് ഏഴാം മൈലിനു സമീപമാണ് അപകടം. പന ചെത്താൻ കയറിയ സിജുമോൻ വീണുകിടക്കുന്നതാണ് നാട്ടുകാർ കണ്ടത്. തൊടുപുഴയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം തൊടുപുഴ ജില്ല ആശുപത്രി മോർച്ചറിയിൽ. ചൊവ്വാഴ്ച പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടുനൽകും. മാതാവ് സരോജിനി.
