ചെറുതോണി: മധ്യവയസ്കനെ റോഡരികിൽ മരിച്ച നിലയിൽ കണ്ടെത്തി. രാജാക്കാട് സ്വദേശി ചെങ്ങാങ്കൽ രാഘവനാണ് (60) മരിച്ചത്. ഇടുക്കി-നേര്യമംഗലം സംസ്ഥാന പാതയിൽ പനംകുട്ടിക്ക് സമീപം വനപ്രദേശത്താണ് മൃതദേഹം കാണപ്പെട്ടത്. ഓട്ടോ തൊഴിലാളികളാണ് വിവരം കരിമണൽ പൊലീസിൽ അറിയിച്ചത്. സി.ഐ ടി.എസ്. ശിവകുമാറിന്റെ നേതൃത്വത്തിൽ ഇൻക്വസ്റ്റ് നടപടികൾ പൂർത്തിയാക്കി മൃതദേഹം ഇടുക്കി മെഡിക്കൽ കോളജ് ആശുപത്രിയിലേക്ക് മാറ്റി.
