കോട്ടയം: മര്യാത്തുരുത്ത് മള്ളൂശ്ശേരി സജി നിവാസിൽ സജിമോൻ എസ്. നായർ (44) കുഴഞ്ഞുവീണ് മരിച്ചു. തിങ്കളാഴ്ച രാവിലെ ഒമ്പതോടെ എസ്.എച്ച് മൗണ്ട് സ്‌കൂളിൽ പത്താം ക്ലാസിൽ പഠിക്കുന്ന മകളെ സ്‌കൂളിൽ എത്തിച്ചശേഷം തിരികെ സ്വന്തം കാറിൽ വരികയായിരുന്നു സജിമോൻ. കോട്ടയം വൈ.ഡബ്ല്യൂ.സി.എക്ക് സമീപമെത്തിയപ്പോൾ നെഞ്ചുവേദന അനുഭവപ്പെടുകയും കാറിൽ നിന്നിറങ്ങിയപ്പോൾ കുഴഞ്ഞു വീഴുകയുമായിരുന്നു. നാട്ടുകാർ ഉടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. കോട്ടയത്ത് സ്വകാര്യ സ്ഥാപനത്തിൽ അക്കൗണ്ടന്‍റാണ് സജിമോൻ. സംസ്‌കാരം ചൊവ്വാഴ്ച വീട്ടുവളപ്പിൽ. ഭാര്യ: ബിന്ദു, മൂവാറ്റുപുഴ. ഏക മകൾ: ഗൗരി.
