അങ്കമാലി: ലയൺസ് ക്ലബ് മുൻ ഡിസ്ട്രിക്ട് പ്രസിഡന്‍റും സാമൂഹിക പ്രവർത്തകനും പ്രഭാഷകനുമായിരുന്ന ജോൺ കാച്ചപ്പിള്ളി (76) നിര്യാതനായി. അങ്കമാലി വിശ്വജ്യോതി സ്കൂൾ പി.ടി.എ പ്രസിഡന്‍റായിരുന്നു. അങ്കമാലി സ്വാഗത് ടൂറിസ്റ്റ് ഹോം, ഉദയ റോക്ക് പ്രോഡക്ട്സ്, പെരിയാർ റോക്ക് പ്രോഡക്ട്സ്, ശക്തി റോക്ക് പ്രോഡക്ട്സ്, അത്താണി ഹോട്ടൽ എയർ ലിങ്ക് കാസിൽ എന്നിവയുടെ മാനേജിങ് പാർട്ണറാണ്. ജോണിന്‍റെ നേതൃത്വത്തിൽ സ്ഥാപിച്ച ലയൺസ് ക്ലബ്സ് ഡയാലിസിസ് സെന്‍റർ ട്രസ്റ്റ് വഴി നിരവധി പാവപ്പെട്ട വൃക്കരോഗികൾക്ക് സൗജന്യമായി ഡയാലിസിസും സൗജന്യമായി നേത്രശസ്ത്രക്രിയയും ലഭ്യമാക്കിയിട്ടുണ്ട്. ഭാര്യ: പരേതയായ അനി ജോൺ. മക്കൾ: ശാന്തി സുബി, ഡോ.സന്തോഷ് ജോൺ, ലിലു എലിസബത്ത്. മരുമക്കൾ: സുബി ആൻഡ്രൂസ്, അനൂപ് ജോർജ്. സംസ്കാരം ചൊവ്വാഴ്ച രാവിലെ 11ന് അങ്കമാലി സെൻറ് ജോർജ് ബസിലിക്ക സെമിത്തേരിയിൽ.
