ചങ്ങനാശ്ശേരി: ചങ്ങനാശ്ശേരി അതിരൂപത അംഗമായ ഫാ. പീറ്റര്‍ കളപ്പുരക്കല്‍ (84) നിര്യാതനായി. കണ്ടങ്കരി കളപ്പുരക്കല്‍ തോമസ്-അന്ന ദമ്പതികളുടെ മകനാണ്. 1967ല്‍ ആർച് ബിഷപ് മാര്‍ മാത്യു കാവുകാട്ടില്‍നിന്ന് വൈദികപട്ടം സ്വീകരിച്ചു. സെന്റ് ജോസഫ്‌സ് ബുക്ക്സ്റ്റാള്‍ അസി. ഡയറക്ടര്‍, ചേന്നങ്കരി, ആലപ്പുഴ ഫൊറോന പള്ളികളില്‍ അസിസ്റ്റന്‍റ്, ഇരവുചിറ, എഴുമറ്റൂര്‍, തടിയൂര്‍, കേസറിയ, കേളമംഗലം, പാണ്ടി, ചങ്ങങ്കരി, തായങ്കരി പള്ളികളില്‍ വികാരി എന്നി നിലകളിലും ശുശ്രൂഷ ചെയ്തിട്ടുണ്ട്. മൃതദേഹം വ്യാഴാഴ്ച രാവിലെ 10.30ന് കണ്ടങ്കരി സെന്റ് ജോസഫ്‌സ് പള്ളി പാരിഷ് ഹാളില്‍ പൊതുദര്‍ശനത്തിനുവെക്കും. സംസ്‌കാര ശുശ്രൂഷകള്‍ ഉച്ചക്ക് ഒന്നിന് കണ്ടങ്കരി സെന്റ് ജോസഫ്‌സ് പള്ളി പാരിഷ് ഹാളില്‍ അതിരൂപത സഹായമെത്രാന്‍ മാര്‍ തോമസ് തറയിലിന്റെ കാര്‍മികത്വത്തില്‍ ആരംഭിക്കും. രണ്ടിന് കണ്ടങ്കരി സെന്റ് ജോസഫ്‌സ് പള്ളിയില്‍ ആർച് ബിഷപ് മാര്‍ ജോസഫ് പെരുന്തോട്ടത്തിന്റെ മുഖ്യകാര്‍മികത്വത്തില്‍ കുര്‍ബാനയെ തുടര്‍ന്ന് മൃതദേഹം സംസ്‌കരിക്കും.
