മണ്ണാർക്കാട്: മണ്ണാർക്കാട് മുസ്ലിം ലീഗ് നിയോജക മണ്ഡലം വൈസ് പ്രസിഡന്റും മണ്ണാർക്കാട് ഗ്രാമ പഞ്ചായത്ത് മുൻ അംഗവുമായിരുന്ന അച്ചിപ്ര മൊയ്‌തു ഹാജി (84) നിര്യാതനായി. മണ്ണാർക്കാട് ദാറുന്നജാത്ത് യതീം ഖാന എക്സിക്യൂട്ടീവ് അംഗം, സി.എച്ച്. സെന്റർ വൈസ് പ്രസിഡന്റ്, കുന്തിപ്പുഴ മഹല്ല് കമ്മിറ്റി പ്രസിഡന്റ് എന്നീ നിലകളിൽ സേവനമനുഷ്ഠിച്ചിരുന്നു. മണ്ണാർക്കാട് താലൂക്ക് കോഓപറേറ്റിവ് സൊസൈറ്റി പ്രസിഡന്റ്, മണ്ണാർക്കാട് വ്യാപാരി വ്യവസായി ഏകോപന സമിതി പ്രസിഡന്റ് എന്നീ നിലകളിൽ ദീർഘ കാലം പ്രവർത്തിച്ചിട്ടുണ്ട്. ഭാര്യ: ഫാത്തിമ. മക്കൾ: റഫീഖ്, സുബൈദ, ജമീല, സുലൈഖ, സക്കീന, സറീന. മരുമക്കൾ: സൈബുന്നീസ, ബഷീർ, ഹമീദ്, നാസർ, ജലീൽ, ഹമീദ്.
