ആലപ്പുഴ: പൂവിൽപനക്കാരനെ കടയിൽ മരിച്ചനിലയിൽ കണ്ടെത്തി. തിരുമല വാർഡ് കൂട്ടുങ്കൽ സാബുവാണ് (47) മരിച്ചത്.
ആലപ്പുഴ ബോട്ട് ജെട്ടിക്ക് സമീപമുള്ള സ്വന്തം കടയിൽ വെള്ളിയാഴ്ച ഉച്ചക്ക് 1.30നാണ് മരിച്ചനിലയിൽ കണ്ടത്. മുരുക ഫ്ലവർ സ്റ്റോഴ്സ് എന്ന പേരിൽ കടനടത്തുകയായിരുന്നു ഇദ്ദേഹം. രാവിലെ വീട്ടിൽനിന്ന് ഇറങ്ങിയ ഇദ്ദേഹത്തെ ഫോണിൽ ലഭിക്കാത്തതിനെ തുടർന്ന് ബന്ധു കടയിൽവന്ന് അന്വേഷിച്ചപ്പോഴാണ് മരിച്ചനിലയിൽ കണ്ടെത്തിയത്. ആലപ്പുഴ നോർത്ത് പൊലീസ് മേൽനടപടികൾ സ്വീകരിച്ചു. മൃതദേഹം വണ്ടാനം മെഡിക്കൽ കോളജ് ആശുപത്രിയിലേക്ക് മാറ്റി.
