അമ്പലപ്പുഴ: ആളൊഴിഞ്ഞ വീട്ടില്‍ അജ്ഞാതന്‍ തൂങ്ങിമരിച്ച നിലയില്‍. വണ്ടാനം പെട്രോള്‍ പമ്പിന് എതിര്‍വശത്തുള്ള വീടിന്‍റെ പിന്നിലെ ജനല്‍ കമ്പിയിലാണ് വയോധികനെ തൂങ്ങിമരിച്ച നിലയില്‍ കണ്ടത്. വെള്ള ചെക്ക് ഷര്‍ട്ടും വെള്ളമുണ്ടുമാണ് വേഷം. 60 വയസ്സ് തോന്നിക്കും. മൃതദേഹം ആലപ്പുഴ മെഡിക്കല്‍ കോളജ് ആശുപത്രി മോര്‍ച്ചറിയില്‍. ഇദ്ദേഹത്തെ കുറിച്ചുള്ള വിവരം അറിയുന്നവര്‍ പുന്നപ്ര പൊലീസിന്‍റെ 0477 2287669 നമ്പറില്‍ ബന്ധപ്പെടണമെന്ന് സ്റ്റേഷന്‍ ഓഫിസര്‍ അറിയിച്ചു.
