മൂവാറ്റുപുഴ: മിനിലോറി ഇടിച്ച് ആശുപത്രിയിൽ പ്രവേശിപ്പിച്ച വയോധികൻ മരിച്ചു. തൃക്കളത്തൂർ പള്ളിത്താഴം ആലുങ്കൽ എ.വി. സുകുമാരനാണ് (72) മരിച്ചത്. വെള്ളിയാഴ്ച രാത്രി ഏഴോടെയായിരുന്നു അപകടം.
പശുവുമായി റോഡ് മുറിച്ച് കടക്കുമ്പോൾ മിനിലോറി ഇടിക്കുകയായിരുന്നു. ഉടൻ കോലഞ്ചേരി മെഡിക്കൽ മിഷൻ ആശുപത്രിയിൽ പ്രവേശിപ്പിച്ചെങ്കിലും ശനിയാഴ്ച രാവിലെ മരിച്ചു. തൃക്കളത്തൂരിൽ ഹോട്ടൽ നടത്തിവരുകയായിരുന്നു.
ഭാര്യ: രാധ. മകൻ: മനു. മരുമകൾ: അഖില. സംസ്കാരം ഞായറാഴ്ച ഉച്ചക്ക് ഒന്നിന് വീട്ടുവളപ്പിൽ.
