മണ്ണഞ്ചേരി: ദേശീയപാതയിൽ ബൈക്കിൽ കാറിടിച്ചുണ്ടായ അപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു. ബൈക്ക് യാത്രികൻ മണ്ണഞ്ചേരി പഞ്ചായത്ത് രണ്ടാംവാർഡ് കാവുങ്കൽ കുന്നേൽ വെളിയിൽ പരേതനായ മധുവിന്റെ മകൻ മനുവാണ് (30) മരിച്ചത്. വ്യാഴാഴ്ച രാത്രി 9.30ന് കലവൂർ വടക്ക് ആയിരുന്നു അപകടം.
തെക്കുനിന്നുവന്ന കാർ മനുവിന്റെ ബൈക്കിൽ ഇടിക്കുകയായിരുന്നു. തലക്ക് പരിക്കേറ്റ മനുവിനെ ആലപ്പുഴ മെഡിക്കൽ കോളജ് ആശുപത്രിയിലും പിന്നീട് കോട്ടയം മെഡിക്കൽ കോളജ് ആശുപത്രിയിലും പ്രവേശിപ്പിച്ചെങ്കിലും ശനിയാഴ്ച രാവിലെ മരിച്ചു. മേസ്തിരിപ്പണിക്കാരനാണ്. മാതാവ്: സുധർമ. ഭാര്യ: സൂര്യ.
