ചാരുംമൂട്: അജ്ഞാത വാഹനം ഇടിച്ച് കാൽനടക്കാരൻ മരിച്ചു. ചുനക്കര തെക്ക് കൊയ്പ്പള്ളി ശിവൻകുട്ടിയാണ് (79) മരിച്ചത്. ഞായറാഴ്ച വൈകീട്ട് 4.30ഓടെ ചുനക്കര പത്തിശ്ശേരിൽ ക്ഷേത്രത്തിനു സമീപമായിരുന്നു അപകടം. ഇടിച്ച വാഹനം നിർത്താതെ പോയി. അമിത വേഗത്തിൽ വന്ന ടെമ്പോയാണ് അപകടമുണ്ടാക്കിയതെന്നാണ് വിവരം. ഗുരുതര പരിക്കേറ്റ് റോഡിൽ കിടന്ന ശിവൻകുട്ടിയെ വണ്ടാനം മെഡിക്കൽ കോളജിൽ എത്തിച്ചെങ്കിലും മരിച്ചു. ഭാര്യ: ജാനകി. മക്കൾ: ഷാജി, ഷാനിത, ഷിബു.
