ചാരുംമൂട്: അപകടത്തിൽ ഗുരുതര പരിക്കേറ്റ് ചികിത്സയിലിരുന്ന ബൈക്ക് യാത്രികൻ മരിച്ചു. എരുമക്കുഴി മാമ്മൂട് പ്ലാന്തോട്ടത്തിൽ (രഘുഭവനം) രഘുനാഥൻ പിള്ളയാണ് (54) മരിച്ചത്. ഞായറാഴ്ച രാവിലെ പത്തോടെ കെ.പി റോഡിൽ നൂറനാട് മാമ്മൂട് കളീയ്ക്കൽ തെക്ക് ജങ്ഷനിലായിരുന്നു അപകടം. റോഡിന്റെ വശത്തുണ്ടായിരുന്ന കാർ തിരിക്കാനായി റോഡിലേക്ക് കയറ്റുമ്പോൾ നിയന്ത്രണം വിട്ട് ബൈക്കിൽ ഇടിക്കുകയായിരുന്നു. കാറിനു മുകളിലൂടെ തെറിച്ചുവീണ് തലക്ക് ഗുരുതരമായി പരിക്കേറ്റ രഘു ആലപ്പുഴ മെഡിക്കൽ കോളജ് ആശുപത്രിയിൽ തിങ്കളാഴ്ച ഉച്ചയോടെയാണ് മരിച്ചത്. ഭാര്യ: ജയകുമാരി. മക്കൾ: ആര്യ, ആതിര.
