പറവൂർ: പിക്അപ് വാൻ ഇടിച്ച് പരിക്കേറ്റ് ചികിത്സയിലിരുന്ന ബൈക്ക് യാത്രികനായ തൊഴിലാളി നീണ്ടൂർ പുഴവേലിൽ ശിവൻകുട്ടി (53) മരിച്ചു. വ്യാഴാഴ്ച രാത്രി 7.45ന് ഇടപ്പള്ളി കുന്നുംപുറത്തിനുസമീപം ഇദ്ദേഹം ഓടിച്ചിരുന്ന ബൈക്കും പിക്അപ് വാനും കൂട്ടിയിടിച്ചു. തലക്ക് ഗുരുതര പരിക്കേറ്റ് സ്വകാര്യ ആശുപത്രിയിൽ പ്രവേശിപ്പിച്ചെങ്കിലും അൽപസമയത്തിനകം മരിച്ചു. മരപ്പണിക്കാരനായ ശിവൻകുട്ടി ജോലി കഴിഞ്ഞ് വീട്ടിലേക്ക് വരുന്ന വഴിയാണ് അപകടം. സംസ്കാരം നടത്തി. ഭാര്യ: ഇന്ദു. മകൻ: അഖിൽ പ്രസാദ്.
