വാഴൂർ: പതിനേഴാംമൈലിൽനിന്നും കാണാതായ ഓട്ടോറിക്ഷ ഡ്രൈവറെ തൂങ്ങിമരിച്ച നിലയിൽ കണ്ടെത്തി. വാഴൂർ കുന്നേൽ താഴത്ത് ബാബുവിന്‍റെ മകൻ വിജേഷ് കുമാറിനെയാണ്(28) വീടിനടുത്ത റബർതോട്ടത്തിൽ വെള്ളിയാഴ്ച രാവിലെ മരിച്ചനിലയിൽ കണ്ടെത്തിയത്. മൃതദേഹത്തിന് ഏതാനും ദിവസത്തെ പഴക്കമുണ്ടെന്ന് കരുതുന്നു. കഴിഞ്ഞ ഞായറാഴ്ച വൈകീട്ട് മുതലാണ് കാണാതായത്. ഇതുസംബന്ധിച്ച് പള്ളിക്കത്തോട് പൊലീസിൽ പരാതി നൽകിയിരുന്നു. കോട്ടയം മെഡിക്കൽ കോളജ് ആശുപത്രിയിൽ പോസ്റ്റുമോർട്ടത്തിനുശേഷം സംസ്കാരം നടത്തി.
