ചെറുതോണി: വാഹനാപകടത്തിൽ പരിക്കേറ്റ് ചികിത്സയിലിരുന്ന ഓട്ടോ ഡ്രൈവർ വാഴത്തോപ്പ് കിഴക്കേക്കര സദാശിവൻ (62) മരിച്ചു. വാഴത്തോപ്പിൽനിന്ന് പേപ്പാറക്ക് ഓട്ടം പോയി തിരികെ വരുമ്പോൾ ഓട്ടോ നിയന്ത്രണം വിട്ട് മറിഞ്ഞ് ഗുരുതര പരിക്കേറ്റിരുന്നു. തുടർന്ന് ഇടുക്കി മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. 2018ലെ പ്രളയത്തിൽ ഇടുക്കി അണക്കെട്ട് തുറന്നപ്പോൾ ചെറുതോണി ടൗണിലെ പച്ചക്കറിക്കട ഒലിച്ചുപോയതോടെയാണ് ഓട്ടോ ഡ്രൈവറായത്. ഭാര്യ: മുക്കുടം പാച്ചോലിൽ പത്മിനി (വത്സ). മകൾ: അശ്വതി (കട്ടപ്പന സഹകരണ ബാങ്ക്).
