മൂലമറ്റം: വയോധികനെ തോട്ടിൽ മരിച്ചനിലയിൽ കണ്ടെത്തി. മാങ്കുളം മുളങ്കൊമ്പിൽ ജോസഫാണ് (76) മരിച്ചത്. ആറുവർഷമായി മൂലമറ്റം പുത്തേട് താമസിച്ച് പറമ്പിൽ പണിചെയ്യുകയായിരുന്നു. 10 ദിവസമായി ഇയാളെ കാണാനില്ലായിരുന്നു. ഇതുസംബന്ധിച്ച് കാഞ്ഞാർ പൊലീസിന് നാട്ടുകാർ പരാതി നൽകിയിരുന്നു. പ്രദേശത്ത് ദുർഗന്ധം വന്നതിനെ തുടർന്ന് നാട്ടുകാർ തിരച്ചിൽ നടത്തിയപ്പോഴാണ് കണ്ണിക്കൽ തോട്ടിൽ മരിച്ചുകിടക്കുന്നത് കണ്ടത്. കാഞ്ഞാർ എസ്.ഐ സിബി തങ്കപ്പനും സംഘവും സംഭവസ്ഥലത്തെത്തി ഇൻക്വസ്റ്റ് നടപടി പൂർത്തിയാക്കി. തൊടുപുഴ ജില്ല ആശുപത്രിയിൽ പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടുനൽകി. ശക്തമായ മഴയുള്ള സമയത്താണ് ഇയാളെ കാണാതായത്.
