കൊച്ചി: സൗത്ത് റെയിൽവേ പാലത്തിന് സമീപം വീടിന് തീപിടിച്ച് വീട്ടമ്മ മരിച്ചു. പുഷ്പവല്ലിയാണ് (57) മരിച്ചത്. തീപിടിത്തത്തിന്റെ കാരണം വ്യക്തമല്ല.
തിങ്കളാഴ്ചയായിരുന്നു സംഭവം. ഇവർ വീട്ടിൽ ഒറ്റക്കായിരുന്നു. ഉച്ചക്ക് 1.30ഓടെ വീട്ടിൽനിന്ന് ശബ്ദം കേൾക്കുകയും ഒപ്പം പുക ഉയരുകയുമായിരുന്നു.
നാട്ടുകാർ വീട് തുറന്നുനോക്കിയപ്പോൾ കത്തിക്കരിഞ്ഞ നിലയിൽ മൃതദേഹം കണ്ടെത്തി. അഗ്നിരക്ഷസേന എത്തിയാണ് തീ അണച്ചത്. പൊലീസ് മേൽനടപടി സ്വീകരിച്ചു.
