കാരാകുർശ്ശി: ശ്രീകൃഷ്ണ ജയന്തി ആഘോഷത്തോടനുബന്ധിച്ച് ശോഭയാത്രയിൽ പങ്കെടുക്കുന്ന കുട്ടികളെ അണിയിച്ചൊരുക്കുന്നതിനിടയിൽ ഓട്ടോ ഡ്രൈവർ കുഴഞ്ഞുവീണ് മരിച്ചു. കാരാകുർശ്ശി കുളപ്പാറ തോട്ടിങ്ങൽ മോഹനനാണ് (42) അരപ്പാറ ഭാഗത്ത് കുഴഞ്ഞുവീണത്. വ്യാഴാഴ്ച വൈകീട്ട് മൂന്നിണ് സംഭവം. സ്വകാര്യ ആശുപത്രിയിലേക്ക് കൊണ്ടുപോകുംവഴി മരിക്കുകയായിരുന്നു. അയ്യപ്പൻകാവ് കേന്ദ്രീകരിച്ചാണ് മോഹനൻ ഓട്ടോ ഓടിച്ചിരുന്നത്. ഭാര്യ: സുജിത. മക്കൾ: അനുപ്രിയ, സോനുപ്രിയ. സംസ്കാരം വെള്ളിയാഴ്ച രാവിലെ 11ന് ഐവർമഠത്തിൽ.
