അരൂർ: അരൂർ വില്ലേജ് ഓഫിസിലെ ഫീൽഡ് അസിസ്റ്റൻറ് അരൂക്കുറ്റി നദുവത്ത് നഗർ (കിഴക്കേ കോതാട്ട് ) ഐഷാമൻസിൽ കെ.ഇ. നാസർ (55) വാഹനാപകടത്തിൽ മരിച്ചു. ദേശീയപാതയിൽ അരൂർ സൗത്ത് പെട്രോൾ പമ്പിന് വടക്കുവശത്തായിരുന്നു അപകടം. ജോലിക്ക് പോകുമ്പോൾ ഇദ്ദേഹം സഞ്ചരിച്ച സ്കൂട്ടറിൽ കെ.എസ്.ആർടി.സി ബസ് ഇടിക്കുകയായിരുന്നു. ഭാര്യ: മൈമൂനത്ത് (ലാബ് അസി. വടുതല ജമാഅത്ത് ഹയർ സെക്കൻഡറി സ്കൂൾ). മക്കൾ: നിസാമുദ്ദീൻ, നജ്മുദ്ദീൻ.
