മങ്കര: കേൾവി ശേഷിയില്ലാത്ത മധ്യവയസ്കൻ കാൽനടയാത്രക്കിടെ ട്രെയിൻ തട്ടി മരിച്ചു. മങ്കര വട്ടപറമ്പിൽ വി.എസ്. അലി മുത്താണ് (57) മരിച്ചത്.
ഞായറാഴ്ച 11.30ഓടെ മങ്കര റെയിൽവേ സ്റ്റേഷന് സമീപമാണ് അപകടം. കണ്ണൂർ-കോയമ്പത്തൂർ പാസഞ്ചർ ട്രെയിനാണ് ഇടിച്ചത്.
എൻജിനിൽ കുടുങ്ങിയ മൃതദേഹം പാലക്കാട് റെയിൽവേ സ്റ്റേഷനിൽ വെച്ച് ശ്രദ്ധയിൽപെട്ടതിനെ തുടർന്ന് വേർപ്പെടുത്തിയെടുക്കുകയായിരുന്നു.
