തുറവൂർ: വാഹനാപകടത്തിൽ പരിക്കേറ്റ് ആശുപത്രിയിൽ ചികിത്സയിലായിരുന്ന യുവാവ് മരിച്ചു. തിരുമലഭാഗം കുഴിക്കാത്തറ പരേതനായ കുഞ്ഞുമണിയുടെ മകൻ മഹേഷാണ്(35) മരിച്ചത്. ചാവടി - മനക്കോടം റോഡിൽ തുറവൂർ ടി.ഡി സ്കൂളിന് പടിഞ്ഞാറ് ഭാഗത്ത് രണ്ടുമാസം മുമ്പ് രാത്രിയായിരുന്നു അപകടം. ബൈക്കിൽ സഞ്ചരിക്കുന്നതിനിടെ റോഡിൽ പാർക്ക് ചെയ്തിരുന്ന കാറിൽ ഇടിക്കുകയായിരുന്നു. ഗുരുതര പരിക്കേറ്റ് നെട്ടൂരിലെ സ്വകാര്യാശുപത്രിയിൽ ചികിത്സയിലിരിക്കെ ചൊവ്വാഴ്ച പുലർച്ചയാണ് മരിച്ചത്. ഭാര്യ: രാജശ്രീ, ഏകമകൾ: നിള.
